كانت 000 حبيبتى !!

موضوع: كانت 000 حبيبتى !! 12.01.08 3:14

كانت حبيبتى
قبل منك 00 قالت لى نفس الكلام
قالت لى انى المنى 00 والدنيا والاحلام
ياما قالت لى انى الحياه00
وصورت لى الدنيا فرحة 00
ياما قابلتنى بدموع بعد الغياب 00
ووقت اللقا 0 كانت تقولى بلاش تغيب 00
يا اغلى حبيب 00
يا اغلى رفيق 00
خلتنى اصدق انى فارس عيونها وقلبها 0
خلتنى اعشق كدبها 00
نفس الكلام اكيد حاليا بتقولو لك وتقسم لك مليون قسم انك الحب الوحيد
وان الهوى على قلبها بيخطر جديد
ومفيش تجارب عندها
ولايوم خيال الحب قرب منها
وهاتوهمك انك عملت المستحيل وملكت روحها وقلبها
نفس الكلام 00
نفس الحروف 00
نفس الدموع 00
انا قبل منك 000 شفتها
رسمت لى جنة بالكلام 0
وقالت لى دى الدنيا اللى هنعيشها سوى 00
رسمت لى بكره جنة خضرا 00
وفرحة مستنى اعيشها 00
ودينا تانيه 000
رسمت لى بيت صغير
جدرانه ضحكة ونوره فرحه
وقالت لى ده بيتنا الصغير
رسمت لى اطفال
وعشنا فى جزيرة من الخيال
ومعانا الصغار
قالت لى بكره دول ولادنااا حلم بكره
خلتنى اتمنى يجى بكرة 00
وكل يوم استنى فيه 00
اتاريه كلام والجنه كدبه 00
والبيت مجرد حروف قالتها فى لحظة حلوة
والحلم غنوة مالهاش ميعاد
مالهاش مكان ولا زمان
هوى من كلام 000
هوى من خيال
والجنة كدبة
رسمتها هى لالف واحد 00 قبل منى وبعد منى000
فى الف غيرى بيستنى بكره 00
وفى الف جنه مرسومة كدبه00
وفى الف فارس مقهور وساكت
فى زيف مشاعر
ونزيف قلوب كانت بريئة
شافت الحقيقة
فى الف قلب بيصرخوا 00
وكل واحد بيقول لغيرو كانت حبيبتى 000
قبل منك كانت حبيبتى 00
عتابى ليك ياقلبى انتا 00
صدقت ليه كلام مزيف
وعيون بترسم بالدموع 00
ضيعت ليه العمر منى وهم وسراب
وقبلت خنجر فى الضلوع
واخترت ليه نعيش عذاب
صدقت ليه رعشة ايديهاا 00
سلمت ليه لدمعة عنيهااا 00
ايه شفتها هى الحياه ؟!
ورضيت لى اعيش العمر كدبة
وسنين خيال 000
نصدق لناس كدبت علينا
نوهب حياتنا للى باعنا
نحلم ونزرع الف حلم
فى ارض تقتل اى حلم
تجرح 0 تالم 0 ترضى ليه دمعة عنينا؟
للاسف كانت حبيبتى 00000