صاحب الدقات

يا بحر يابو الهوى والموج عالى

روح للحبيب بلغه السلامات

اساله عنى لسه فاكرنى

ولا نسينى وعدت الاوقات

يا موج البحر يا مسافر لعند حبيبى

هاحملك منى امانه بس من كلمات

امانه قله انى فى حبه سهرت الليل

اكلم القمر واعدت فى النجمات

قله السعاده فى قلبى هوه صاحبها

هوه حياتى ... وعمرى ... والبسمات ...

انى باشوف طيبه فى نور الشمس

انه لقلبى صاحب الدقات

انه عزيز عينى وحبى وكل امالى

ومهما طال الزمن يدوب لحظات