مظلوم قالوا قلت بالحيل مظلوم .. .. واللي ظلمني شخص ياناس غالي
قالوا علامه قلت خلوه له يوم .. .. ما كل من يضحـك بدنيـاه سالـي
جيته وأنا كلي وله وشوق محروم .. .. ولقيت قلبه صدق م الحب خالي
والله لاخليه ينعق كما البـوم .. .. وأخـذ حقوقـي منـه أول وتالـي
خلا حياتي كلها حزن وهموم .. .. أي والله أنه عالي الضغـط عالـي
والقلب نبضاته سريعه وما روم .. .. أواصل الرحله وياويـل حالـي
كيفي وأنا حرٍ ولاني بملـزوم .. .. أذل نفسـي عزتـي راس مالـي
الله معه يرحل وأنا راحل اليوم .. .. برحل جدى ربعي وعمي وخالـي
موضوع: مــــظلــومـ 
17.08.07 19:43
