الرئيسيةالبوابةالدردشة.س .و .جبحـثالتسجيلالمجموعاتدخول

شاطر | 
 

 !!!قصة البنت اللي تدق على الأرقام المميزه!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mazen-ksa
عضو نشيط
عضو نشيط
avatar

ذكر عدد الرسائل : 92
العمر : 25
موقع الاقامة : جده
البلد :
المهنة :
الهواية :
المزاج :
وسام التميز :
تاريخ التسجيل : 07/02/2008

مُساهمةموضوع: !!!قصة البنت اللي تدق على الأرقام المميزه!!!   14.02.08 13:03

السلام عليكم

هـــــــــــذي قصته مع من دقة عليه بالصدفه
دق عنده الجوال الا رقم غريب عنه مايعرفه رد على الجوال الا بصوت يهمس همس احلى من نسمة الليل

واحلى من نغمة طرب كله حنان وشوق وغرام صوت بمعنى اصح جذاب يجذب زغاليل العصفور من اعشاشها .

كلمها وهو مو مصدق انه يكلمها كانت تبي التعرف عليه وهو مستغرب منها ومن طلبها قال لها : تعرفيني يابنت الناس .

قالت: لاوالله مااعرفك واول مره اسمع فيها صوتك .

سالتها من وين جبتي رقم جوالي .

قالت : انا احب اتصل على الارقام المميزه واتعرف عليهم واقابلهم بعد اذا اعجبني اسلوبه .

قال لها : طيب انتي على كذا اكيد بتعرفين شباب واجد مادامك تدقين على الارقام المميزه .

قالت : طبعا اكييييييد في كل مدينه اعرف اثنين او ثلاثه بالكثير .

قالها طيب اكيد انك قابلتيهم كلهم .

قالت:لامو كلهم البعض منهم .

سالها قال لها وين ابوك وين امك وين اخوانك .

قالت :ابوي وامي ميتين من زمان وانا صغيره وماعندي غير اخو واحد وعايش بفرنسا

وزياراته لي قليله وانا عايشه مع خالتي في نفس البيت .

قالها طيب معقوله وكل هالصوت الحلووووو اكيد انك بتكوني حلووووووووه ومااعتقد
بعد اني سمعت صوتك اللي كله همس ورقة وحنان انك مو حلووووووه .

قالت له : انا الله عطاني من الجمال ماله حـــد .

قال طيب ليه للحين ماانخطبتي :

قالت له: انا تزوجت مرتين وتطلقت الاول تزوجته وعشت معاه في الامارات لانه شغال
هناك وانجبت منه ولـــــد وبعد اربع سنوات تطلقت .
سالتها عن السبب .
قالت له: بسبب الشك الزايد اللي ذبحني فيه كان يقفل علي البيت ويمنع عني جميع
وسائل الاتصال حتى في جاراتي وصديقاتي يشك فيهن خلاني اعيش حياة ميؤوس منها معاه
حاولت كذا مره اتفاهم معاه بس خلالالاص تعبت واقتنعت تماما انه حياتي معاه لازم تنتهي .
*وفعلا يوم رجعت للسعوديه وبالتحديد......... تطلقت منه
قال لها طيب والثاني:
قالت الثاني: كنت مجبورة على الزواج منه وكانت حياتي معاه مثل العذاب ماحسيت في يوم
اني مرتاحه معاه وكان هو بدون اهتمام او يهتم بي كنت مجرد دمية في حياة ولا يسال عني ولا
يفكر فيني وبعد اربع سنوان ثانيه انجبت منه ولد وطلقني .
*قال لها وبعدين وش صار .
قالت: بعدها حياتي صارت كلها فراغ في فراغ كنت انام واصحى مدري وين اروح مدري
وش اسوي قمت اتعرف على الشباب من كل مدينه كنت اروح مع هذا واسافر مع هذا حتى كانوا
يحجزون لي التذاكر وتجي باسمي واروح الى اي مكان ابغاه وماكان فيه احد يسالني انتي من وين جايه او وين كنتي غايبه .
قالها لها طيب وعيالك.
قالت عيالي عندهم شغاله هي اللي قايمه بتربيتهم ورعايتهم .
وقتها هي قالت خلاص الحين بقفل معاك بس بكره بتصل عليك في نفس الوقت قال
لها خلاص وتأكدي اني بكون منتظر اتصالك هذا على احر من الجمر قالت انشاء الله .
*جلس يفكر فيها وعن حياتها وياترى هي حقيقه او بس وحده من البنات اللي يعرفهن تبي
تختبره وجايبه صديقتها تكلمه بس كان فيه احساس او شعور غريب يقوله هذي البنت اكيد
انها صادقه ,,لاكن ماجاني هالشعور واحساس عمره ماخيبني في شي .
*جاء موعد اتصالها في التالي وكان طبعا منتظر اتصالها وشوي الا جواله يدق عليه الا وهي
من فرحته مادرى وش يقول لها كانت متلخبط في كلامه قالت وش فيك منت على بعضك قال
مدري بس يمكن من فرحتي فيييك ماقدرت اخفي مشاعري وقامت تفضحني ضحكت ضحكه حلووووه
وخفيفه ابتسم معاها وطلب انه يشوفها وافقت واعدها بعد ساعه وراح لها في نفس الموعد وهو جالس
في سيارة عند السوق الفلاني ينتظرها وكل ماشاف وحده كان يقول هذي لامو هذي وكان يخمن بين
هذي وهذيك وبعد ربع ساعه من وقفته الا وهذيك البنت اللي جايه ولابسه عبايه على الكتف وحاطه اللثمه
وكلها حلاوة وهيبه وتلفت كل من كان في السوق او مار من الشارع من حلاوة مشيها
ولبسها جات عند السيارة قالت فلان قال ايه فلان اركبي يافلانه قبل لاتشوفنا الهيئه ركبت معاه وهي تضحك وتقول ياخواااااااف .
اخذها معاه وعزمها على العشاء وجلس معاها قال لها ابغى منك تفتحين لي قلبك وتقولين لي عن كل شي
في حياتك اعتبريني ورق وانتي الحبر اكتبي بهذا الورق كل اللي في خاطرك وبعدين شقي هالورق علشان يرتاح بالك 0
**بدت بالكلام قالت يافلان انا اعاني من قوة الفراغ اللي ذبحني وذبح حياتي معاي مدري وش اسوي تعلمت اشياء وعرفت
اشياء والله في يوم كنت اسمع عنها بس مع الاسف الحين صرت استخدمها طبعا اكيد عرفتوا وش اقصد بالضبط .
كان هو من شدة جمالها وحلاوة اسلوبها يستحي يطالع فيها او عينه تجي بعينها .
عرف انه هالبنت ماضيعها الا الشباب اللي استغلوا وقتها وخاصتا انها مطلقه وحلوووووه وتقدر تروح وتجي وتغيب
بدون مااحد يسال عنها .
*طلب منها طلب واحد انها تسمع منه كل كلمه راح يقول لها وتسلمه نفسها .
قالت :اوكي انا معاك وسامعه لك وصدقني من اول ماكلمتك عجبني صوتك كان فيه شي من البحه يعني مبحوح
وانا تعجبني هالاصوات من الشباب وبعدين بعد ماكلمتك ارتحت لك .
الولد ماهو بشين بالعكس وسييييييييم بس ياريت كل الشباب مثله في اخلاقه .
عالعموم هو قال لها اسمعي يابنت الناس :ترى كل الشباب اللي تعرفتي عليهم يضحكون عليك وكلهم نصابين
عارفه ليه؟؟ لانهم يمشون ورى رغباتهم وشهواتهم واهم شي انهم ينبسطون مع بنت وماهمهم هالبنت هذي مين تكون
او ماتكون صدقيني يافلانه انا لو ابغى اسوي مثلهم والله اقدر والحين واقدر اضحك عليك واقول انا عندي وما
عندي واغريك فيني بس بتكلم معاكي بصراحه انتي ترى للحين في عز شبابك والفرصه قدامك انك تلحقين نفسك
اللي ضاعت بسبب اشخاص اغروك باشياء ومثلوا عليك باسم الحب الكذاب عمر احد فيهم قال لك يافلانه ترى
الطريق هذا اللي انتي ماشيته غلط وترى نهايته بكره كله ندم في ندم على كل لحظه راحت من عمرك صدقيني انا اتكلم
لاني حاسس فيك انتي طفشتي من الدنيا لانك مانجحتي في حياتك الزوجيه وكنتي تبغي البديل حتى تطلعي من اللي
كنتي فيه بس للاسف كان البديل هو ضياع احلى شي فيكي وهو انك فقدتي احترامك لنفسك ولأولادك ولأهلك
وذاتك وكنتي تمشي مع ناس كلهم يسعون الى تدميرك لانه مافيه احد من هذول اللي ذكرتيهم قال في يوم ابغى اساعد
فلانه لازم اقف معاها واطلعها من الحياة هذي اللي هي قرفانه منها .
قال لها صدقيني واقسم بالله لك يافلانه انه مااقول هالكلام علشان تكوني لي انا وحدي لاوالله ولكن والله كل
هالجمال هذا يروح كذا مع ناس ماتستاهله .
انا راح اوريكي الحياة الحقيقيه صدقيني يافلانه ترى الحياة حلوة بس للي يعرف يعيشها ويحافظ على
كل شي امرنا فيه ديننا الحنيف .
*وقتها البنت قامت تبكي هو لاحظ دموعها عرف انها دموع الندم دموع كل لحظه عاشتها غلط .
بعدها فكر في حياتها هذي وشلون يغيرها .
قرر انه يجيب لها كمبيوتر ويسجلها في دوره حاسب آلي ويأمن لها وظيفه تكسب من وراها لقمة عيشها .
*وبالفعل جاب لها الكمبيوتر ودخلها دورة حاسب آلي وجاب لها سايق متفق معاه بالشهر يوديها
ويجيبها لمقر الدورة الحاسب الآلي .
وعلمها على النت وعرفها على كل من معاه في الماسنجر وطلب منهم انهم يعلمونها كيف تستخدم
النت صح وسجلها معاهم عضوه في المنتدى .
وبعد كذا سالها قال شخبار الفراغ قالت يوووووووه يافلان ماعاد له طاري .
قال لها خلاص ابشرك يافلانه انا لي صديق في مستشفى الفلاني وكلمته عنك قال
هات لي بس الشهاده الدراسيه وشهاده الكمبيوتر وخبرته انه انتي تدرسين دبلوم حاسب
آلي وهو ضمن لك الوظيفه من يوم تتخرجين .
*فرحت وقامت تبكي وحست انه الحياة فعلا حلووووة .
وطلب منها انها تغير ارقام تلفونات البيت ورقم جوالها وبالفعل غيرته وبعد ماتخرجت
تعينت في المستشفى الفلاني وبراتب معقوووول وزين .
بعدها قال بسألك يافلانه وشلون حياتك اول وحياتك الحين.

قالت وعيونها كلها دموع والله العظيم يافلان لو كان كل الشباب مثلك كان كل بناتنا
بخير وماينخاف عليهم فعلا الحياة حلووووة بس للي عرف يعيشها خاصتا انه في بنات

يمشون في هالطريق ماهو رضى منهم لكن الظروف هي اللي حدتهم على كذا واستغلال
الشباب لهم ولكن من في زماننا هذا يقول او يسوي اللي انت سويته روح ياشيخ الله يسعدك

ويوفقك وين ماتلقي وجهك .

عاهدها وعاهدته انهم ماينقطعون عن بعض ويكون اللي بينهم صداقه

حميمه نادرة في زماننا هذا اللي هو صداقة بين بــنــت و ولــــــــد .

ياريت الكل يقرأ ويفهم معنى هالقصة اللي انا اعتبرها رسالة الى كل ولــــد وبـنـت

وانشــــــــــــــاء الله عيالنا وبناتنـــا فيهــــم الخيـــر والبــركـــه مادام هـــذا واحـــد منهــم .




اتمنى ان تنال استحسانكم


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الأحلام
عضو نشيط
عضو نشيط


ذكر عدد الرسائل : 87
العمر : 26
موقع الاقامة : الرياض
تاريخ التسجيل : 21/06/2007

مُساهمةموضوع: رد: !!!قصة البنت اللي تدق على الأرقام المميزه!!!   14.02.08 16:41

مشكوووور والله قصة حللللللللو

تحيااااااتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
!!!قصة البنت اللي تدق على الأرقام المميزه!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: القسم الأدبي :: •·.·°¯`·.·• (منتديات القصص والروايات) •·.·°¯`·.·•-
انتقل الى: